Фондубуз муктаж адамдар менен материялдык абалы жакшы адамдардын ортосундагы ажрымды жоготуу үчүн, калкыбыздын кайрымдуулук сезимин ойготуу үчүн "Тилектеш-үй-бүлөө долбоорун сунуштайт.

Долбоор мындайча: Бир муктаж үй-бүлөө табабыз, А үй-бүлөөсү. "А"нын үйүнө барып муктаждыгын аныктайбыз. Б.а. чын эле муктажбы, эмнеге муктаж анализ кылабыз. Муктаждыктардын тизмесин тизип, эми буга жардам бере турган бир колунда бар үй-бүлөө табабыз, Б үй-бүлөөсү. Албетте “Б” “А”нын баардык муктаждыктарын камсыз кыла албайт. Ошондуктан “Б” менен биргеликте дагы башка кайрымдуу инсандарды издейбиз. Мисалы “А”га балдарына кийим кече керек анда “Б” менен бирге кийим-кечек саткан ишкерлерге барабыз, үйүн оңдош керек, курулуш материялдарн саткан ишкерлерге кайрылабыз ж.б.у.с. Муктаждыктар табылган соң “А”га алып барып беребиз. Бирок бул иш чара бир жолу болуп бүтөт. Ал эми “Б”нын иши мына ушул жерде башталат. “А”га бир туугандай болуп, жеңилин жерден, оорун колдон алып ардайым көмөктөшүп турат. Материялдык гана эмес моралдык жана руханий да жардам берет. Ошентип эки үй-бүлөөнүн тилектештиги башталат.
Бул жерде жеке эле муктаж үй-бүлөөлөр эмес жардам берген үй-бүлөөлөр да абдан чоң пайда табышат. Биринчиден өз колу менен жардам берет соопчулук кылат, экинчиден мамлекеттин өнүгүшүнө салым кошуп рухий ырахаттануу алат, үчүнчүдөн өзүнө биртууган табат ж.б.

Долбоордун максаты: Негизги максаты элибизди көмөктөшүүгө чакыруу, кайрымдууук сезимин ойготуу. Ата-бабалардын жолун жолдоп муктаж адамдарды кароосуз калтырбоо. Ата-эненин балага, баланын ата-энеге болгон сүйүүсүн күчөтүү. Кайдыгерликти жоюу.
Материялдык абалы жакшы жарандарыбыз менен муктаж жарандарыбыздын ортосунда көпүрө болуу. Алардын ортосундагы түшүнбөстүктү жоюу. Коомубуздун социалдык маселелерин көмөктөшүү аркылуу чечип, руханий жактан өнүгүшүнө салым кошуу.